Dy herë më shumë aksidente nëpër stacione trenash

Vitin e kaluar janë regjistruar 27 aksidente nëpër stacione trenash në Zvicër. Kjo është dy herë më shumë se një vit më parë (14). Krahasimi afatgjatë e bën rritjen edhe më të madhe: në pesë vjetët e fundit statistikat e raportit për sigurinë e transportit publik kanë treguar një mesatare prej 19 rasteve.
Rritja e papritur e incidenteve është e habitshme, pasi më 2016 janë shënuar më pak aksidente se në pesë vjetët e fundit. Sipas studimit të kryer nga “Sonntagszeitung”, ekspertët e sigurisë nga qeveria federale tani janë duke analizuar shkaktarët e aksidenteve. “Deri tani ne kemi gjetur se aksidentet nuk janë të kufizuara në një rajon të caktuar”, thotë Gregor Saladin.

Aksidentet kanë ndodhur shpesh, sepse njerëzit kaluan binarët qëllimisht, shëtitnin pranë tyre ose ishin shumë afër stacioneve të trenit. Këto vëzhgime përkojnë me vërejtjet e operatorëve hekurudhorë. “Është e frikshme se sa shpesh njerëzit janë shëtitës rreth vijave të bardha të sigurisë nëpër stacione trenash”, thotë Ursel Kalin, zëdhënëse zvicerane e linjave jugore të hekurudhave ((SOB)).