Dy kosovarë me kancer e kalojnë COVID 19 si një grip të zakonshëm

Njëri rast ka qenë te një person me kancer të mushkërive e tjetri rast te një pacient që ka pasur kancer të prostatës. Që të dy në stadin e 4-t të sëmundjes.

Në Kosovë numri i personave që janë infektuar me Covid-19 ka arritur në 1038. Nga këta pacientë 791 janë shëruar si dhe 30 për fat të keq kanë ndërruar jetë.

Mirëpo, në numrin e personave të prekur nga Covid 19 ka edhe pacientë që kanë smundje të tjera shoqëruese. Në mesin e tyre edhe pacientët të cilët vuajnë nga sëmundjet malinje.

Dy kosovarë që vuajnë nga kanceri janë prekur me Covid 19. Të njëjtit e kanë kaluar Covid-19 si një grip të zakonshëm. Drejtori i Klinikës së Onkologjisë në QKUK, Ilir Kurtishi, ka dhënë detaje rreth gjendjes shëndetësore të këtyre dy personave.

“Ne për këto 10 javë të pandemisë i kemi kry diku mbi 40 mijë shërbime. Gjatë gjithë kësaj kohe ne kemi punuar. Deri tash ne kemi pasur raste të personave që kanë pasur kancer e që janë prekur nga Covid-19.

Njëri rast ka qenë te një person me kancer të mushkërive e tjetri rast te një pacient që ka pasur kancer të prostatës. Që të dy në stadin e 4-t të sëmundjes.

Të dy këta janë në gjendje të mirë shëndetësore dhe e kanë kaluar këtë virus si një grip të zakonshëm”, tha Kurtishi.

---