Dy shqiptarë në Britani u dënuan me 10 vjet burg për këtë arsye

Pas dhënies së dënimit të dy personave me origjinë shqiptare policia britanike ka publikuar kamerat CCTV të momentit tronditës kur ata nisën një sulm ‘të egër’ ndaj një burri në një lokal, sulm i cili e la atë me plagë të rënda në kokë, përcjell albinfo.ch.

Dy personat janë Lulzim Sinimati, 27 vjeç dhe Fatos Kertolli, 36 vjeç, të cilët u dënuan me 10 vjet burg. Ata sulmuan një burrë gjatë një sherri në orën 3 të mëngjesit në Bar 42, në Peterborough, Londër më 20 korrik të vitit të kaluar.

Dyshja pretenduan se po vepronin në vetëmbrojtje kur kryen sulmin, por të dy u gjetën fajtorë për shkaktimin e lëndimeve të rënda trupore (GBH) dhe grindjeve në dhjetor. Një juri dëgjoi se viktima u dërgua me urgjencë në spital me gjakderdhje në tru dhe fraktura në shpinë dhe fytyrë, ndërsa një burrë i dytë mbeti gjithashtu me lëndime të lehta në fytyrë.

Në Gjykatën e Kurorës së Cambridgeshire, Kertolli u burgos për pesë vjet e gjysmë, ndërsa Sinimati, i parë duke buzëqeshur në fotografinë e tij të policisë, u dënua me katër vjet e gjysmë.

Pas dënimit, Policia e Cambridgeshire lëshoi CCTV të momentit kur u krye sulmi i furishëm.

Pamjet tregojnë Sinimatin, i veshur me një bluzë të zezë dhe xhinse, me një grup në zonën e jashtme të lokalit përpara se ai befas të lëkundet për viktimën që ndodhet brenda.

Ndërsa dyshja u përplasën, Sinimati e shtyn më tej brenda lokalit dhe e godet me grusht rreth fytyrës dhe në pjesën e pasme të kokës, ndërsa i bërtet.