Dy te vdekur në aksident në rrugën Ferizaj-Shtime

Policia e Kosovës njofton se dy persona kanë vdekur në një aksident trafiku, që ka ndodhur mëngjesin e sotëm në rrugën Ferizaj-Shtime, në dalje të fshatit Koshare.

“Sipas raporteve të para, rasti ka ndodhur kur shoferi i veturës Audi ( A.B. m/sh/k , 40 vjeçar) , duke mos e përshtatur shpejtësinë e lëvizjes me kushtet e rrugës, humb kontrollin mbi automjetin dhe kalon në anën e kundërt të drejtimit duke u përplasur në disa gurë skaj rrugës , me ç’rast vozitësi dhe pasagjeri (Y.B. 39-vjeçar) sipas mjekëve, nga lëndimet e pësuara kishin ndëruar jetë”, thuhet në njoftimin e policisë.

Po ashtu bëhet e ditur se trupat e pajetë të viktimave janë dërguar në Institutin e mjekësisë ligjore për obduksion.