Dy viktima dhe mbi 300 raste të reja me COVID në Shqipëri

Gjatë 24 orëve të fundit në Shqipëri ka pasur dy humbje jete dhe 321 raste të reja me COVID-19.

Aktualisht janë 5,220 pacientë aktivë në gjithë vendin nga të cilët 122 ndodhet në spital. Prej tyre, 20 janë në gjendje më të rënduar.

Dy pacientë, njëri 55 vjeç nga Kruja dhe tjetri 79 nga Tiranë, kanë humbur jetën gjatë ditës së fundit.

Në total, që prej nisjes së pandemisë, Shqipëria numëron 3,189 viktima nga COVID-19.

Autoritetet shëndetësore bëjnë thirrje që qytetarët të vaksinohen për të qenë të mbrojtur nga virusi.

Deri tani në Shqipëri janë kryer në total 2,286,235 doza të vaksinës ndaj COVID-19 nga 2.7 milionë vaksina në dispozicion.