E ardhmja e Kristjan Asllanit te Interi duket gjithnjë e më e pasigurt

Pas refuzimit të ofertave nga Real Betis dhe Sassuolo, një tjetër klub i Serie A ka shfaqur interes për mesfushorin shqiptar: Torino. Sipas mediave italiane, klubi “granata” ka kontaktuar së fundmi për të marrë informacion mbi situatjen e tij. Klubi kërkon të forcojë mesfushën dhe e sheh Asllanin si profil të përshtatshëm për projektin e trajnerit Baroni.

23-vjeçari iu bashkua Interit në verën e vitit 2022, por ka pasur hapësira të kufizuara në formacion, si nën drejtimin e Simone Inzaghit, ashtu edhe tani me Chivu në stol. Sipas raporteve, Interi nuk e ka më në planet e tij.

Torino ende nuk ka paraqitur një ofertë zyrtare, por sinjalet nga “Olimpico Grande Torino” tregojnë se interesimi është serioz. Afati i merkatos mbyllet më 31 gusht, prandaj ditët e ardhshme do të jenë vendimtare për të ardhmen e Asllanit.