E shpëtojnë motoçiklistin

Në çastin e fundit një burrë dhe një grua kanë arritur ta tërheqin motoçiklistin nga shinat, mbi të cilat po vinte treni

Një burrë dhe një grua nuk kanë pasur shumë kohë të mendojnë kur kanë parë se ngasësi i motoçikletës, pas rrëzimit nga ajo, po rrëshqiste drejt rrotave të trenit që do të kalonte pas pak sekondash.

Në çastin e fundit ata kanë arritur ta tërheqin motoçiklistin nga shinat.

Kjo ka ndodhur të martën, më 17 korrik në Schafhausen të Emmentalit, Kantoni i Bernës.

Menjëherë pas shpëtimit të motoçiklistit, ka ardhur treni, i cili e ka shkelur motoçikletën dhe e ka hedhur në largësi.

Motoçiklisti, pasi gjatë rrëzimit ka pësuar ca lëndime, është bartur me autoambulancë për në spital.