Edhe katër ditë deri në Kampionatin e Hapur Evropian të xhudos në Prishtinë

Kanë mbetur edhe katër ditë deri në Kampionatin e Hapur Evropian të xhudos, që do të zhvillohet në Prishtinë, përcjell albinfo.ch.

Për herë të parë, tifozët tanë kanë mundësinë të shohin dy kampionet olimpike, Distria Krasniqi dhe Nora Gjakova, duke garuar në Kosovë. Madje, të dyja janë në kategorinë -57 kg dhe për herë të parë në karrierë mund të përballen mes veti.  Në kategorinë -73 kg, garojnë Akil Gjakova e Dardan Cena.

Kampionët tanë meritojnë mbështetje të fuqishme përballë kampionëve të tjerë olimpikë e botërorë, që vijnë nga shtete të ndryshme të Evropës.

Garat do të nisin më 16 dhjetor 2023, në Pallatin e Rinisë dhe Sportit.