Edhe Kosova preket nga kolapsi global kibernetik

BQK

Së fundmi edhe kompania për Furnizim me Energji Elektrike e Kosovës (KESCO) ka bërë të ditur se është prekur nga kolapsi kibernetik që ka përfshirë tërë botën të premten, përcjell albinfo.ch.

KESCO ka thënë se të gjitha kërkesat po hasin në vështirësi për t’i procesuar në departamentet përkatëse për shkak të rënies së sistemit kompjuterik.

“Sistemi i Sigurisë Kibernetike #“Croëdstrike Global” ka lajmëruar opinionin e gjerë për një gabim në sistemin e tyre. Rrjedhimisht, ky problem nuk është specifik në KESCO, por është problem që ka afektuar të gjitha kompanitë e mëdha globale. Ekipet përkatëse janë në kontakt me kompanitë botërore, si #Microsoft, #Croëdstrike Global etj. dhe po punohet në zgjidhjen e këtij problemi”, njoftoi KESCO.

Gjithashtu edhe Banka Qendrore e Kosovës ka njoftuar se disa shërbime online “të ndonjë banke të caktuar” janë ndikuar pjesërisht. Ndërsa, në BQK nuk ka pasur probleme.

Njësia Nacionale për Siguri Kibernetike ka thënë se incidenti shkakton probleme gjatë ristartimit të sistemit operativ Microsoft Windows.

“Në rast të këtij problemi, sipas udhëzimeve teknike të proklamuara deri më tani, është e nevojshme që të fshihen fajllat ‘C-00000291*.sys’ nga direktoriumi ‘C\Windows\System32\drivers\CrowdStrike’ në Save Mode”, ka thënë ky organ përmes një postimi në Facebook.