Edhe kryeministri Kurti pritet të zhvillojë takim me mërgatën në Zvicër

Kurti takon mërgatën shqiptare në Cyrih këtë të shtunë

Kryeministri i Kosovës, Albin Kurti, do të zhvillojë një takim me mërgatën shqiptare në Cyrih më 13 dhjetor 2025. Vizita vjen në kuadër të angazhimeve të tij me komunitetet shqiptare jashtë vendit, transmeton albinfo.ch.

Referuar njoftimit, takimi do të mbahet në objektin Halle 622 në adresën Therese-Giehse-Strasse 10, CH-8050 Zürich, me fillim nga ora 18:30. Në këtë ngjarje pritet të marrin pjesë anëtarë të komunitetit shqiptar që jetojnë dhe punojnë në Zvicër.

Ndërkohë, Ambasada e Gjermanisë në Kosovë ka lëshuar një njoftim drejtuar kandidatëve për kryeministër dhe subjekteve politike, duke rikujtuar se organizimi i tubimeve zgjedhore në territorin gjerman nuk lejohet më pak se tre muaj para mbajtjes së zgjedhjeve në vendin e tyre.

---