Edi Rama dënon sulmin në Ankara

Edi Rama, FB

Kryeministri i Shqipërisë Edi Rama ka reaguar pas sulmit terrorist në Ankara ku u sulmua Ministria e abrendshme e këtij shteti.

Ai e cilësoi atë të neveritshëm, ndërsa theksoi se Shqipëria e dënon ashpër.

“Sulmi terrorist në Ankara është një akt i neveritshëm frikacakë që Shqipëria e dënon ashpër. Ai duhet të ndihmojë shumë në Evropë që të kuptojnë dhe mbështesin më mirë Turqinë në luftën e saj kundër terrorizmit”, deklaroi Rama në “X”, dikur “Twitter”.

Ministri i Brendshëm turk, Ali Yerlikaya bëri të ditur sot se kishte pasur një sulm me bombë në hyrje të ndërtesës së ministrisë.

Sipas tij, dy “terroristë” ishin të përfshirë në sulm, njëri hodhi veten në erë, tjetri u neutralizua.

Njëkohësisht, ministri turk bëri të ditur se dy oficerë policie u plagosën lehtë në një shkëmbim zjarri të mëpasshëm.

Sipas transmetuesit NTV, shpërthimi ndodhi vetëm disa qindra metra larg hyrjes së Parlamentit.