Edon Zhegrova i jep energji Juventusit në debutimin e tij europian

Juventus përgëzon Zhegrovën pas debutimit ndaj Dortmundit

Edon Zhegrova shënoi debutimin e tij me fanellën e Juventusit në ndeshjen dramatike të Ligës së Kampionëve kundër Borussia Dortmund, transmeton albinfo.ch.

Sulmuesi kosovar u inkuadrua në lojë në momentet vendimtare, kur rezultati ishte 4:2 për gjermanët, dhe solli freski në repartin ofensiv të “Zonjës së Vjetër”.

Takimi përfundoi me barazim spektakolar 4:4, ndërsa faqja zyrtare e tifozëve bardhezinj, #ForzaJuventus, e vlerësoi lartë paraqitjen e tij: “Merita të mëdha shkojnë për Edon Zhegrovën që solli energji të nevojshme në sulmin tonë sonte. Çfarë debutimi.”

---