“Elina Duni Quartet”, sonte koncert në Cyrih

Kuarteti i i Elina Dunit prezantohet në kuadër të festivalit "Zürcher Theater Spektakel" me një koncert të xhazit ballkanik

Sonte në kuadër të festivalit “Zürcher Theater Spektakel” që po mbahet prej dhjetë ditësh në Cyrih, prezantohet me një koncert të xhazit ballkanik kuarteti i njohur i Elina Dunit.

Një zë tronditës dhe tre instrumentistë grandiozë. Kur këngëtarja shqiptare-zvicerane Elina Duni bëhet bashkë me mjeshtrit e xhazit si Colin Vallon (piano), Patrice Moret (bass) dhe Norbert Pfammatter (bateri), takohen kështu katër karaktere të mëvetësishme muzikore mes vete. Së këndejmi edhe muzika që bëjnë ata së bashku, është një shkrirje në mes të pasionit dhe melankolisë së folkut ballkanik dhe xhazit virtuoz modern.

Elina Duni, ka qëmtuar në shumë vende të ndryshme, duke filluar nga Shqipëria, vendlindja e saj dhe në vendet tjera të Ballkanit, deri në Turqi, këngë që i këndojnë dashurisë dhe pikëllimit, të cilat i ka Sonte në kuadër të festivalit riinterpretuar bashkë me tre instrumentistët virtuozë. Nga kjo ka dalë një xhaz bashkëkohor ballkanik pa kurrfarë kiçi folklorik.

Nga e mërkura (31 gusht) deri të premten, (2 shtator) në kuadër të po këtij festivali, në skenën e njëjtë jepet edhe shfaqja e baletit “Oh my God”, të realizuar nga Trupa e Baletit e Teatrit Kombëtar të Kosovës.

Koncerti mbahet në Landiwiese (Seebühne) Mythenquai, në Wollishofen të Cyrihut, buzë liqenit, me fillim në orën 21.00