Emanuela Rusta vendos drejtësi në UEFA Women’s Europa Cup

Gjyqtarja shqiptare Emanuela Rusta do të mbajë bilbilin kryesor në ndeshjen mes Hacken dhe GKS Katowice, e vlefshme për turin e dytë kualifikues të UEFA Women’s Europa Cup. Takimi do të zhvillohet më 7 tetor, në orën 19:00.

Rusta do të udhëheqë një ekip plotësisht shqiptar arbitrash, duke përfaqësuar denjësisht vendin në arenën ndërkombëtare. Asistente të saj do të jenë Mirjeta Salla dhe Koleta Prenga, ndërsa rolin e gjyqtares së katërt do ta mbajë Kejsi Tafili.

Pjesëmarrja e arbitreve shqiptare në garat europiane po bëhet gjithnjë e më e shpeshtë, duke dëshmuar profesionalizëm, përgatitje të lartë dhe integritet në fushën e gjykimit. Emanuela Rusta, me eksperiencën dhe përkushtimin e saj, vazhdon të jetë një ndër emrat më të respektuar të arbitrimit shqiptar në futbollin e femrave.