Enver Hoxhaj reagon ndaj deklaratave të Shefit të UNMIK-ut

Zëvendëskryeministri i Kosovës, Enver Hoxhaj, me anë të një postimi në Twitter ka reaguar në lidhje me deklaratat e dhëna nga Shefi i UNMIK-ut, Zahir Tanin.

Reagimi i Hoxhës erdhi pas deklaratave të Tanin në mbledhjen e sotme të Këshillit të Sigurimit të OKB-së rreth arrestimit të pjesëtarit të UNMIK-ut në aksionin e policisë së 28 majit në Veri të Mitrovicës.

Hoxha ka shkruar se Tanin po përdor Këshillin e Sigurimit të OKB-së për të dhënë lajme të rreme.

“Shumë e çuditshme! 20 vjet pas rezolutës 1244 solli paqe në #Kosovë, i cili do të kishte menduar se PSSP Tanin keqpërdor KS të OKB-së për të përhapur lajme të rreme. E vërteta është se zyrtari i UNMIK-ut ndërhyri drejtpërdrejt dhe pengoi një operacion policor kundër krimit të organizuar në veri të vendit”, ka shkruar Hoxhaj në Twitter.

Tanin në mbledhjen e Këshillit të Sigurimit të OKB-së ka thënë se dy punonjës të UNMIK-ut janë keqtrajtuar gjatë arrestimit nga ana e policisë së Kosovës.