Erdon Daci prezantohet te klubi i ri në ligën e dytë të Belgjikës

Erdon Daci është futbollisti i ri i skuadrës së Deinzes, e cila garon në Divizionin e dytë të futbollit në Belgjikë. Sulmuesi 26-vjeçar vendosi të ndryshojë mjedisin, duke lënë skuadrën e Vesterlos dhe duke iu bashkuar skuadrës së Deinze-s, përcjell albinfo.ch.

Për këtë të fundit, Erdon Daci ka firmosur kontratën njëvjeçare, me opsion që të vazhdohet bashkëpunimi edhe për një vit tjetër. Mediat belge raportojnë se Deinze, e cila është lidere aktuale në renditjen e Ligës së Dytë të Belgjikës, ka paguar dëmshpërblim në vlerë prej 650 mijë eurosh.

Kujtojmë se Erdon Daci ka regjistruar edhe një paraqitje për ekipin senior të përfaqësueses së Maqedonisë, duke shënuar një gol në këtë ecuri.