Është ngritur në 7 numri i të vdekurve nga koronavirusi në Zvicër

Ky është njëherësh rasti i parë i vdekjes nga koronavirusi në Kantonin Baselstadt

Edhe një person tjetër ka vdekur në Zvicër si rezultat i koronavirusit. Departamenti i shëndetësisë i Kantonit Basel-Stadt ka bërë të ditur se një pacient 67-vjeçar me sëmundje serioze të mëparshme ka vdekur sot në Spitalin Universitar të Bazelit, shkruan srf.ch.

Personi në fjalë ishte shtruar në spital më 4 mars dhe gjendja e tij përkeqësohej vazhdimisht.

Ky është njëherësh rasti i parë i vdekjes nga koronavirusi në Kantonin Baselstadt.

Në total, deri tani në Zvicër shtatë njerëz në Zvicër kanë vdekur nga infeksioni i mushkërive Covid-19, transmeton albinfo.ch.

Sipas Qeverisë Federale, janë 815 raste tashmë të konfirmuara të infeksionit, 43 të tjera me një rezultat të parë pozitiv që pritet të konfirmohen.

 

---