Fëmijët e mërgimtarëve mblidhen në Rugovë të Pejës

MDIS

Në Rugovë dje ka filluar kampi veror i Diasporës, i cili ka për qëllim kryesor krijimin dhe forcimin e lidhjes mes fëmijëve dhe vendlindjes së tyre, përcjell albinfo.ch.

Ky kamp, që organizohet nga Ministria e Diasporës dhe Investimeve Strategjike, ka mbledhur më shumë se 30 fëmijë shqiptarë nga vende të ndryshme të Evropës.

“Përmes aktiviteteve dhe lojërave të shumta që organizohen në kamp, synohet gjithashtu ruajtja e traditës, kulturës dhe gjuhës shqipe. Fëmijët do të arrijnë të krijojnë lidhje shoqërore edhe me fëmijët nga Kosova, duke forcuar kështu dashurinë për vendlindjen”, thuhet në njoftim.

Ky kamp, që po mbahet në kuadër të organizimit “Ditët e Diasporës”, do të zgjasë deri me 24 korrik 2019, përcjell albinfo.ch.