Festohet 17-vjetori i Pavarësisë së Kosovës në Uster

𝟏𝟕-𝐯𝐣𝐞𝐭𝐨𝐫𝐢 𝐢 𝐏𝐚𝐯𝐚𝐫ë𝐬𝐢𝐬ë 𝐬ë 𝐊𝐨𝐬𝐨𝐯ë𝐬 – 𝐀𝐤𝐭𝐢𝐯𝐢𝐭𝐞𝐭 𝐊𝐮𝐥𝐭𝐮𝐫𝐨𝐫 𝐧ë 𝐔𝐬𝐭𝐞𝐫, 𝐙𝐯𝐢𝐜ë𝐫

Dje, me rastin e 17-vjetorit të Pavarësisë së Republikës së Kosovës, Shoqata Kulturore “Bashkimi” në Uster të Cyrihut organizoi një aktivitet kulturor me të rinjtë shqiptarë, të cilët me performancat e tyre artistike emocionuan publikun e pranishëm, përcjell albinfo.ch. 

Në këtë ngjarje të veçantë morën pjesë Ambasadori i Kosovës në Bernë, z. Mentor Latifi, Sekretari i Parë i Ambasadës së Republikës së Shqipërisë në Bernë, z. Valon Gashi, si dhe shkrimtarë, artistë dhe veprimtarë të shquar të diasporës shqiptare në Zvicër. Gjatë fjalës së tij, z. Gashi përgëzoi organizatorët për këtë aktivitet domethënës që promovon kulturën dhe identitetin shqiptar në diasporë, duke vlerësuar kontributin e të rinjve në ruajtjen e trashëgimisë sonë kombëtare. Ai gjithashtu uroi të gjithë të pranishmit dhe mbarë popullin shqiptar Gëzuar 17-vjetorin e Pavarësisë së Kosovës.

Postimi:

🇦🇱🇽🇰 𝐔𝐫𝐢𝐦𝐞 𝐊𝐨𝐬𝐨𝐯ë 𝟏𝟕-𝐯𝐣𝐞𝐭𝐨𝐫𝐢𝐧 𝐞 𝐏𝐚𝐯𝐚𝐫ë𝐬𝐢𝐬ë!

Në këtë ditë të rëndësishme për kombin shqiptar, Ambasada e Republikës së Shqipërisë në Bernë i uron kolegëve, popullit dhe institucioneve të Republikës së Kosovës Gëzuar 17-vjetorin e Pavarësisë!

Kosova është një histori suksesi e qëndresës dhe përpjekjeve për liri e shtetndërtim. Në këto vite, ajo ka treguar përkushtim për demokracinë, zhvillimin dhe forcimin e institucioneve të saj.

Le të vazhdojmë së bashku për një të ardhme të ndritur për kombin tonë!

#GëzuarPavarësinë 🇽🇰

#ShqipëriKosovë 🇦🇱🤝🇽🇰

---