Filmi “Roma”, më i miri i vitit, sipas kritikëve

“Roma”, film spanjoll i platformës Netflix, bardh e zi, është shpallur tashmë filmi më i mirë i vitit nga kritikët amerikanë, derisa gara për shpërblimet “Oscar” po intensifikohet.

Drama familjare, ngjarja e së cilës zhvillohet në Meksikën e viteve 70, është shkruar dhe realizuar nga Alfonso Cuaron.

E kritikët nga Nju-Jorku, Chicago, Los Angeles dhe San Francisco e shpallën atë filmin më të mirë.

“Roma”, madje konsiderohet se do të mund të jetë garuesi më serioz këtë vit për shpërblimin “Oscar”.

Ky film thuhet se është i inspiruar nga vetë jeta e regjisorit Cuaron, derisa është lavdëruar shumë edhe nga gazeta britanike “The Guardian”.

Filmi deri tash ka grumbulluar tri nominime për “Golden Globe”.

E, në rast se do ta fitojë shpërblimin “Oscar”, por edhe vetëm me nominim, “Roma” do të bëjë histori, meqë do të jetë filmi i parë në këtë garë, i cili vjen nga platforma Netflix.