Fluks në Morinë, shqiptarët e Kosovës drejt Shqipërisë për të kaluar fundjavën

Sot është parë fluks i lartë qytetarësh e mjetesh në pikën kufitare të Morinit, përcjell albinfo.ch.

Qytetarët e Kosovës kanë zgjedhur të kalojnë fundjavën në brengdet, por edhe në qytetet e tjera të vendit, duke shfrytëzuar kështu temperaturat e larta.

Për të shmangur fluksin e lartë, pala shqiptare ka vënë në dispozicion 6 sportele.

Për mjetet me targa të Kosovës dhe Shqipërisë kalimi i kufirit bëhet pa kontrolle, sipas procedurës të miratuar për një periudhë nëntëmujore, ndërsa automjetet me targa të huaja i nënshtrohen kontrollit.