Foda tregon se pse Zhegrova nuk luajti më shumë ndaj Sllovenisë

Edon ZHEGROVA of Lille Olympique Sporting Club (LOSC) during the Ligue 1 Uber Eats match between Reims and Lille at Stade Auguste Delaune on May 6, 2023 in Reims, France. (Photo by Hugo Pfeiffer/Icon Sport via Getty Images)

Kombëtarja e Kosovës ka luajtur baras pa gola (0-0) ndaj Sllovenisë, në ndeshjen e zhvilluar në shtëpi në kuadër të ciklit kualifikues për Kupën e Botës 2026, përcjell albinfo.ch.

Pas përfundimit të takimit, përzgjedhësi Franco Foda doli në konferencë për media, ku foli për lojën e skuadrës dhe situatën e futbollistit Edon Zhegrova.

Tekniku gjerman u shpreh i kënaqur me një pikë, duke vlerësuar edhe paraqitjen e kundërshtarit.

“Po, është e rëndësishme që morëm një pikë. Sllovenia po ashtu luajti një ndeshje të madhe, por treguam se mund të luajmë fuqishëm në këto ndeshje të mëdha”, tha Foda.

Edon Zhegrova nuk e nisi ndeshjen nga minuta e parë dhe u aktivizua vetëm në fund të takimit. Për këtë vendim, Foda tha se lojtari ka qenë i lodhur nga stërvitja e fundit dhe se po trajtohet me kujdes për shkak të një lëndimi të mëparshëm.

“Edoni është top lojtar, por nuk duhet të harrojmë që ai që nga janari nuk ka luajtur. Edoni ka qenë i lodhur nga stërvitja e fundit dhe duhet ta trajtojmë me kujdes”, përfundoi ai.