Ministri i Jashtëm i Francës, Jean-Noël Barrot, ka deklaruar se sulmi i fundit kibernetik ndaj frigoriferëve dhe ngrirësve në supermarketet franceze është organizuar nga Garda Revolucionare e Iranit.
Sulmi, i ndodhur më 12 tetor, shkaktoi rritjen e ndjeshme të temperaturave në pajisjet frigoriferike, duke prekur rreth 700 nga gjithsej 10 mijë supermarketet në Francë.
Sipas ministrit francez, përgjegjësia për këtë sulm i atribuohet Gardës Revolucionare, një strukturë elitare e forcave të armatosura iraniane, e cila vepron drejtpërdrejt nën autoritetin e udhëheqjes fetare të Iranit.
Sulmi ka ngritur shqetësime lidhur me sigurinë kibernetike të infrastrukturës tregtare dhe cenueshmërinë e sistemeve teknologjike që përdoren në sektorin e shitjes me pakicë.
