Futbollisti kuqezi shpallet Lojtari më i mirë i muajit

Duke u bërë lojtari i parë që fiton këtë çmim për tre muaj radhazi

Futbollisti i Kombëtares shqiptare, Arbër Hoxha po kalon një edicion fantastik.

Këtë e ka treguar edhe çmimi i tretë si lojtari i muajit te klubi i Dinamos së Zagrebit.

Hoxha e fitoi edhe në tetor e shtator këtë çmim, transmeton albinfo.ch.

“Arbër Hoxha ka fituar sërish çmimin si lojtari i muajit, për herë të tretë radhazi. Pasi ia doli në shtator dhe tetor, Hoxha vijoi me performancat fantastike edhe në nëntor, duke u bërë lojtari i parë që fiton këtë çmim për tre muaj radhazi.

Këtë herë çmimin e mori nga Goran Perger dhe ne falënderojmë sërish ata që votuan”, shkruan klubi kroat.

---