Futbollisti më i mirë i Kosovës, i lumtur që kalon në Francë

Arbër Zeneli edhe zyrtarisht i është bashkuar Reims, duke nënshkruar kontratë 5-vjeçare

Futbollisti i Kosovës, Arbër Zeneli, edhe zyrtarisht i është bashkuar klubit francez, Stade de Reims, duke nënshkruar kontratë pesëvjeçare. Ai kaloi nga nga klubi holandez Heerenveen.

Ai ka zgjuar interesimin e shumë skuadrave evropiane, sidomos atyre turke dhe, së fundmi gjigantit anglez Chelsea, por 23-vjeçar ka zgjedhur që karrierën ta vazhdojë në Ligue 1 të Francës, përcjell albinfo.ch.

“Jam shumë i lumtur për transferimin tim te ky klub i mrekullueshëm”, ka shkruar Zeneli në Instagram.

“Koha për të vendosur synime të reja”, shtoi ai. Arbër Zeneli është zgjedhur futbollisti më i mirë i Kosovës për vitin 2018, derisa gjithashtu kishte shkëlqyer edhe në Ligën e Kombeve me ‘Dardanët’.

Zeneli gjithashtu ishte i mrekullueshëm në kampionatin holandez, duke qenë njëri nga futbollistët kryesor në skuadrën e tij.

---