Futbollisti shqiptar sërish më i miri i ndeshjes

Nota 8 është edhe më e larta e ndeshjes dhe për të nuk është hera e parë këtë sezon, që qëndron mbi të tjerët

Anis Mehmeti shkëlqeu dje me Bristol Cityn, që fitoi 0:3 në udhëtimin e Shefield United. Sulmuesi shqiptar shënoi gol si dhe asistoi në Championship.

Për paraqitjen e djeshme, Mehmeti është më i vlerësuari i “Sofascore”. Nota 8 është edhe më e larta e ndeshjes dhe për të nuk është hera e parë këtë sezon, që qëndron mbi të tjerët.

Mehmeti e tentoi portën pesë herë, ndërsa një herë goditi edhe shtyllën. Dy prej pasimeve të tij ishin kyçe në ndeshje, transmeton albinfo.ch.

Padyshim që ky fillim sezoni e sheh si protagonist te Bristol Cityn. E njëjta situatë ishte edhe vjet në Championship me sulmuesin shqiptar.

---