Gjenevë, orët erotike në ankand

Në ankandin në Gjenevë do të ofrohet një koleksion privat prej 33 orësh të shekujve XVIII dhe XIX

Koleksionistë orësh nga mbarë bota pritet të mblidhen së shpejti në Zvicër që të mund të rrëmbejnë së paku një orë ku janë të gravuara skena erotike.

Në ankandin në Gjenevë do të ofrohet një koleksion privat prej 33 orësh të shekujve XVIII dhe XIX dhe llogaritet që do të grumbullohen 70 mijë deri në 90 mijë dollarë.

Ora më e shtrenjtë është e punuar nga ari tetëmbëdhjetë karatësh.

Orët paraqesin skena tepër të nxehta por edhe çifte romantike, ambiente idili, pëllumba, muzikantë…

Ata që nuk dinë ku t’i harxhojnë 20 mijë dollarë, mund të blejnë një artizan tepër i rrallë, orë ari në formë zemre, vepër e orëtarit londinez, James Cocks e punuar në vitin 1780.

Kjo orë paraqet një grua tek spiunon një çift në shtrat. Shumica e orëve që do të ofrohen në ankand janë punuar në Zvicër por në këtë koleksion ka edhe rreth 700 gjësende që kanë gjetur inspirim tek erotika dhe janë koleksion privat e një zvicerani 70-vjeçar i cili ka dashur të mbetej anonim.

Ai ka krijuar këtë koleksion tash 25 vjet. Në koleksionin e tij “të turpshëm” ka edhe gjësende të tjera: bastunë, statuja, enë të cilat do të jenë në një tjetër ankand që do të hapet në Francë në fund të këtij viti.

Prodhimi i orëve me skena eksplicite erotike ka nisur në shekullin XVII në Kinë. Ato më luksozet janë punuar për mbretin.

Në Evropë ato filluan të punoheshin në shekullin XVIII.