Gjermani: Ekonomia po rimëkëmbet më shpejt se sa pritej

Gjermania pret që shkatërrimi ekonomik i shkaktuar nga pandemia COVID-19 të jetë më pak i ashpër këtë vit nga sa ishte frikësuar fillimisht, por kërkesa e ngadaltë e huaj ka të ngjarë të dobësojë ekonominë më të madhe të Evropës vitin e ardhshëm.

Duke paraqitur parashikimet e qeverisë të martën, ministri i Ekonomisë, Peter Altmaier, tha se një përgjigje e fortë nga shteti po ndihmonte në nxitjen e një rikuperimi më të shpejtë sesa pritej nga goditja e koronavirusit.

“Recesioni në gjysmën e parë të vitit doli të ishte më pak i rëndë nga sa kishim frikë”, u tha Altmaier gazetarëve, duke shtuar se më e keqja kishte mbaruar për ekonominë.

“Në përgjithësi, mund të themi se të paktën tani për tani, kemi të bëjmë me një zhvillim në formë V”, tha Altmaier. Ai shtoi se nuk priste që autoritetet të vendosnin një rund tjetër masash bllokimi si në mars dhe prill.

Duke konfirmuar një raport të mëparshëm të Reuters, Altmaier tha se Berlini kishte rishikuar parashikimin e tij për vitin 2020 në një rënie prej 5.8% nga një vlerësim i mëparshëm prej -6.3%.

Kjo do të përfaqësonte akoma rënien më të madhe ekonomike që nga Lufta e Dytë Botërore.

Për 2021, qeveria ndryshoi në rënie parashikimin e saj të rritjes në një zgjerim prej 4.4% nga vlerësimi i saj i mëparshëm prej 5.2%. Kjo do të thotë që ekonomia nuk do të arrijë formën e saj parapandemike para fillimit të vitit 2022, tha Altmaier, shkruan “Reuters”, përcjell albinfo.ch.