Lajme

Gjermani: ngjarje e rëndë, babai dyshohet se hodhi nga dritarja djalin dyvjeçar

E hënë, 16 Qershor 2025 - 18:20 albinfo.ch
(KEYSTONE/DPA/David Inderlied)

Një ngjarje tronditëse ka ndodhur në landin gjerman North Rhine-Westfalen, ku një burrë 31-vjeçar dyshohet se ka hedhur qëllimisht djalin e tij dyvjeçar nga dritarja. Siç raporton gazeta gjermane Bild, fëmija ka rënë nga një lartësi prej rreth katër metrash dhe ka pësuar lëndime të rënda, përcjell albinfo.ch.

Sipas policisë së Hagenit dhe prokurorisë publike të Siegenit, i mituri është dërguar me urgjencë në spital dhe ndodhet jashtë rrezikut për jetë. Ndërkohë, babai i tij, i dyshuari kryesor, ndodhet aktualisht në kujdes intensiv.

Autoritetet gjermane po vazhdojnë hetimet për të sqaruar rrethanat e ngjarjes, thekson Bild.

 

 Të tjera nga Lajme

Dy shtetas të Kosovës në paraburgim në Gjermani, dyshohen për dy zjarrvënie

 E-Diaspora

 Jeta në Gjermani