Gjermania paralajmëron shkurtime drastike të ndihmave sociale: Kush rrezikon më shumë

Ilustrim

Qeveria gjermane ka paralajmëruar reforma të thella në sistemin e mirëqenies sociale, përfshirë Bürgergeld. Kancelari Friedrich Merz propozoi uljen e përfitimeve dhe vendosjen e kufijve për pagesat e qirasë, për të kursyer miliarda euro nga buxheti shtetëror.

Ministrja e Punës, Bärbel Bas, pritet të paraqesë draftin e reformës pas verës, i cili do të përfshijë masa për të ndaluar abuzimet, sanksione për mosparaqitje në zyrat e punës dhe ndryshime për të nxitur punësimin, transmeton albinfo.ch.

Debati mbi ndihmat sociale është politizuar, teksa AfD akuzon emigrantët për përfitime të padrejta, pavarësisht se faktet nuk e mbështesin këtë. Vendimet finale pritet të dalin nga negociatat mes konservatorëve të Merz dhe socialdemokratëve, të cilët tradicionalisht mbrojnë shtetin social.