Gjermania propozon reformë për uljen e çmimeve të patentave

Qeveria synon ta lehtësojë procesin e marrjes së patentës me ndryshime në mësim dhe testim

Qeveria gjermane ka paraqitur një paketë reformash që synon të ulë kostot e larta për marrjen e patentës së shoferit, e cila aktualisht kushton mesatarisht rreth 3.400 euro dhe ka shënuar rritje mbi 50% në katër vitet e fundit, transmeton albinfo.ch.

Sipas ministrit të Transportit, Patrick Schnieder, patentat nuk duhet të konsiderohen luks, por një mjet i domosdoshëm për lëvizshmëri dhe pavarësi, veçanërisht në zonat me transport publik të kufizuar.

Ndryshimet e propozuara përfshijnë mësim teorik edhe në formë digjitale, zvogëlim të numrit të pyetjeve të testit, reduktim të orëve të detyrueshme praktike dhe shkurtim të kohëzgjatjes së testit praktik.

Po ashtu, parashihet që kandidatët të mund të ushtrojnë vozitjen edhe me persona të afërt, si prindër apo gjyshër, nën kushte të caktuara ligjore.

Reforma ende nuk është miratuar dhe duhet të kalojë në Parlament për t’u bërë pjesë e ligjit./Albinfo.ch

---