Gjithnjë e më shumë kredi të këqija në bankat evropiane

Në bilancet e tyre bankat evropiane gjithnjë e më shumë raportojnë për rritje të të ashtuquajturave kredi të këqija

Sipas një studimi të “PricewaterhouseCoopers” vitin e kaluar është raportuar për më shumë se 1000 miliardë euro borxhe, shlyerja e të cilave është e pasigurt. Sipas studimit, bëhet fjalë për pothuajse nëntë për qind më shumë se vitin e kaluar.

Më së keqi janë prekur bankat në Spanjë, Itali dhe Greqi.Studimi thotë se në Spanjë raportohet për 23 për qind në 136 miliardë euro, në Itali nga 37 për qind në 107 miliardë euro dhe në Greqi me gati 50 për qind në 40 miliardë euro.

Nga viti 2008 deri në vitin 2011 vëllimi i kredive që nuk janë paguar me kohë pothuajse është dyfishuar, thotë “PricewaterhouseCoopers”.

“Lajmi i keq vjen edhe nga zhvillimi jo i mirë ekonomik në Evropën Jugore që rezultoi në rritjen e kredive të këqija”, tha Markus Burghardt nga PwC.

Edhe bankat gjermane nuk kanë arritur të shpëtojnë nga kreditë e këqija. Fillimi i vitit 2012 goditi bankat me të paktën 4.3 miliardë euro në kredi të këqija…