Golat dhe asistimet e futbollistëve shqiptarë në Zvicër

Ermir Lenjani dhe Benjamin Kololli shënuan sërish për skuadrat e tyre

Edhe në këtë xhiro të Superligës zvicerane, futbollistët shqiptarë ‘kanë thënë’ fjalën e tyre.

Ermir Lenjani shënoi në këtë xhiro, pas asistimit të bukur nga Bastien Toma, futbollisti tjetër shqiptar te Sioni, që pësoi në fund nga Young Boys 3:2, shkruan albinfo.ch.

Lenjani realizoi në minutën e 17-të pas asistimit perfekt nga Bastien Toma. Ai realizoi brenda zonës si një sulmues i vërtetë, derisa mori pjesë edhe në aksionin e golit të dytë. Ky ishte goli i dytë i Lenjanit në këtë sezon, derisa Toma ka pesë asistime. Toma luajti 84 minuta dhe u ndëshkua me karton të verdhë.

Baseli mundi Grasshoppers 3:1 në udhëtim, ku vëllezërit Arlind dhe Albian Ajeti u ndeshen kundër njëri-tjetrit. Për Baselin nga minuta e parë luajti edhe Taulant Xhaka. Arlindi luajti 45 minuta, kurse Albiani 72 (asistoi në golin e parë), derisa Xhaka 90 minuta. Për Graschoppers luajti 90 minuta Nedim Bajrami.

Benjamin Kololli po vazhdon me gola në Superligën zvicerane. Ai realizoi për Zurichun, por u mposhtën nga St. Gallen 3:2.

Toni Domgjoni e Kololli luajtën titullarë për Zurichun, ky i fundit u zëvendësua në minutën e 79-të.

Idriz Voca me Luzernin fituan si mysafir me rezultat 2:1 kundër Xamaxit. Voca u paraqit 90 minuta, kurse Arbenit Xhemaili nga minuta e 46-të dhe Samir Ramizi në çastet e fundit u inkuadrua për Xamaxin.

Në Ligën e Parë, Taulant Seferi ka shënuar për Wintethurin golin e pestë këtë sezon.

Superliga e Zvicrës

St. Gallen-Zurich           3:2

Xamax-Luzern               1:2

Lugano-Thun                 2:1

Young Boys-Sion          3:2

Grasshoppers-Basel      1:3

Tabela

1. Young Boys 12 31
2. Basel 12 20
3. Thun 12 18
4. Zurich 12 17
5. St. Gallen 12 17
6. Lugano 12 16
7. Luzern 12 15
8. Sion 12 11
9. Grasshoppers 12 11
10. Xamax 12 10

---