Goli i Bastien Tomas, më i miri i muajit nëntor

Bastien Toma ka dy gola dhe gjashtë asistime në këtë edicion

Një nga futbollistët më të talentuar shqiptar në Zvicër është Bastien Toma. Ai me plot sukses paraqitet për Sionin në Superligën zvicerane, shkruan albinfo.ch.

Toma është i njohur për asistimet, por edhe për golat e shënuar. “Teleklub Sport”, e ka zgjedhur golin e Tomës, si më të mirin e muajit nëntor.

Ai kishte shënuar një gol mjaft të bukur ndaj Thunit. Goli i tij i solli tre pikë skuadrës së tij. Mesfushori shqiptar shënoi në minutën e 82-të.

Bastien goditi nga më shumë se 25 metra, duke mos i dhënë gjasa portierit kundërshtar.

---