Goli i Zenelit po i ‘çmend’ në Holandë

Zeneli ka dy gola këtë sezon dhe shtatë asistime në Ligën e Holandës

Arbër Zeneli është një nga futbollistët shqiptarë, i cili po shkëlqen në Holandë. Zeneli është asistuesi më i mirë në një nga ligat më të forta evropiane.

Futbollisti i Heerenvenit kaloi në epërsi skuadrën e tij ndaj FC Emmen me një supergol. Ai realizoi nga një gjuajtje e lirë nga rreth 30 metra, shkruan albinfo.ch.

Portieri i ekipit kundërshtar u vendos keq dhe priste një kros. Lojtari të Përfaqësueses së Kosovës nuk mund t’i shpëtonte ky moment dhe e dërgon topin direkt drejt portës duke kaluar në epërsi ekipin e tij në minutën e 30-të për 1:0, derisa ndeshja në fund përfundoi 1:1.

Madje, goli i tij po krahasohet me atë të Ronaldinhos, në Botërorin e 2002 kundër Anglisë.

Zeneli ka dy gola këtë sezon dhe shtatë asistime në Ligën e Holandës.

Wat.Een.Goal #zeneli #heeemm 🤙🏻 pic.twitter.com/XryJn7ptB9

— Brianskie (@Manon_en_Brian) November 4, 2018

---