Granit Xhaka shpallet lojtari i vitit 2025/26 te Sunderland

Granit Xhaka është emëruar lojtari i vitit 2025/26 i Sunderland AFC

Mesfushori me famë ndërkombëtare Granit Xhaka po vazhdon të dëshmojë klasën, eksperiencën dhe lidershipin e tij në futbollin anglez, këtë herë si nyje qendrore e Sunderland AFC në Premier League, transmeton albinfo.ch. 

Xhaka iu bashkua Sunderlandit më 30 korrik 2025, duke nënshkruar një kontratë trevjeçare pas kalimit nga Bayer Leverkusen, dhe që nga ajo kohë është një prej lojtarëve më aktivë dhe më ndikues të skuadrës.

Së fundmi, Granit Xhaka është shpallur “Lojtari i Vitit” te Sunderland, transmeton tutje albinfo.ch.

Në sezonin 2025/26, ai është emëruar kapiten i Sunderlandit, duke u vlerësuar për rolin e tij udhëheqës, profesionalizmin dhe paraqitjet e qëndrueshme në fushë. Këto paraqitje kanë fituar respektin e tifozëve dhe vlerësimin e klubit, duke e vendosur atë si një figurë kyçe në mesfushën e skuadrës.

Përveç paraqitjeve në klub, Xhaka mban edhe shiritin e kapitenit të kombëtares së Zvicrës, ku është një prej futbollistëve më me përvojë dhe me më shumë paraqitje në historinë e përfaqësueses.

Edhe pse shumica e karrierës së tij profesionale është ndërtuar në ekipet si FC Basel, Borussia Mönchengladbach, Arsenal dhe Bayer Leverkusen, transferimi në Sunderland shënon një moment të ri dhe sfidues në Premier League, ku Xhaka po bën një ndikim të dukshëm si lider brenda dhe jashtë fushës./Albinfo.ch

---