Grevat e protestat nuk ndikuan në turizmin në Francë

(AP Photo/Claude Paris)

Instituti Kombëtar i Statistikave në Francë ka njoftuar se, megjithëse ka pasur greva në pranverë në transporte dhe mbi të gjitha protestat e jelekëverdhëve, manifestimet e të cilëve prekën hotelerinë në dhjetor, nuk ka ndikuar në mas të madhe në turizmin në Francë. 

Të dhënat e këtij instituti flasin se hotelet franceze kanë qenë të mbushur plot turistë në 2018-ën, një frekuentim rekord që mund të kishte qenë edhe më i lartë nëse nuk do të kishte greva e protesta, përcjell albinfo.ch.

“I gjithë sistemi i hotelerisë turistike në vend regjistroi 438,2 milionë vitin e kaluar, ose nëntë milionë më shumë se sa më 2017”, thotë instituti INSEE-së.