Hagë: Seancat ndaj Thaçit e të tjerëve kundër administrimit të drejtësisë, nga 11 deri më 15 maj

Në Dhomat e Specializuara të Kosovës në Hagë, seancat në çështjen e ish-presidentit të Kosovës, Hashim Thaçi dhe të tjerëve që lidhen me akuzat për vepra kundër administrimit të drejtësisë, janë caktuar që të mbahen gjatë muajit maj.

“Sikurse pasqyrohet në Kalendar, në çështjen Thaçi dhe të tjerët në lidhje me akuzat për vepra kundër administrimit të drejtësisë, janë caktuar seanca për periudhën nga 11 deri 15 maj 2026”, u tha në njoftimin e DhSK-së.

Njoftimi vjen pas anulimit të trefishtë të seancave të prillit.

Ndryshe, në këtë rast, nën akuza janë Hashim Thaçi, Bashkim Smakaj, Fadil Fazliu, Isni Klaj dhe Hajredin Kuçi.