Hahn e Avramopuolos presin vendim të shpejtë edhe nga Këshilli i Evropës

Komisionari për Zgjerim, Johanes Hahn, duke përshëndetur vendimin e sotëm ka thënë se shpreson që edhe Këshilli i Evropës të marrë vendim të shpejtë dhe të favorshëm.

“Votim shumë pozitiv dhe i mirëpritur në Parlamentin Evropian. Drejtësi për Kosovën në liberalizimin e vizave. Tani pritet vendimi i Këshillit të Evropës. Shpresoj të ketë vendim të shpejtë dhe të favorshëm”, ka shkruar Hahn në Twitter, përcjell albinfo.ch.

Komisionari evropian për migracion, çështje të brendshme dhe shtetësi, Dimitris Avramopoulos, ka thënë se mirëpret nisjen e negociatave me Këshillin e Evropës për liberalizimin e vizave për Kosovën.

“Shpresoj se së shpejti do të vijë koha kur i gjithë rajoni i Ballkanit Perëndimor do të jetë i lirë nga vizat”, ka shkruar Avramopuolos.