Hajdari: I lumtur që jam pjesë e Kosovës

Albian Hajdari, i cili është pjesë e Hoffeheimit, pak ditë më parë braktisi Zvicrën për t’iu bashkuar Kombëtares së Kosovës

Albian Hajdari ka folur si lojtari më i ri i Kosovës.

Hajdari, i cili është pjesë e Hoffeheimit, pak ditë më parë braktisi Zvicrën për t’iu bashkuar Kombëtares së Kosovës.

Ai tashmë është duke u përgatitur me Dardanët për ndeshjet e tetorit, njofton FFK, transmeton albinfo.ch.

Kosova më 10 tetor luan kundër Sllovenisë në ‘Fadil Vokrri’, kurse, tri ditë më vonë luan në udhëtim tek Suedia.

Në një deklaratë emocionuese, Hajdari tha se vendimi i tij ka ardhur nga zemra dhe se Kosova për të ka një domethënie të veçantë.

“Unë jam Albian Hajdari, lojtari më i ri i Kosovës. Unë e kam marrë vendimin për Kosovën, sepse Kosova është e vogël për botën, por për mua është krejt bota. Forca Kosova”, ka thënë Hajdari.

Hajdari është një tjetër përforcim i rëndësishëm për përzgjedhësin Franco Foda, në prag të ndeshjeve të tetorit.

---