Hapet zyrtarisht sezoni turistik në zonën e Himarës

Mbërmë në fshatin Borshë të Himarës në jug të Shqipërisë është bërë hapja zyrtare e sezonit turistik.

Kreu i kësaj komune ka thënë se tash e tre vjet hapja e sezonit është bërë në data të ndryshme, pasi ata kanë për qëllim që Himarën ta kthejnë në vend turistik për 12 muaj dhe jo vetëm për gjatë verës, përcjell albinfo.ch.

Në fshatin Borsh ishin organizuar koncerte të ndryshme, por edhe aktivitete me sporte ekstreme ujore, të cilat do të vazhdojnë edhe për tri ditë.

TCH raporton se vitin e kaluar në qytet dhe fshatrat e Himarës pati një rritje turistësh, që zyrtarët i llogarisin deri në 30 mijë, duke shpresuar se këtë vit do të ketë edhe më shumë.

Drejtuesit e kësaj komune, por edhe Qeveria shqiptare, këtë vit kanë bërë disa investime në këtë zonë me qëllim rritjen e turizmit.