Haradinaj: Gjermania mbështet liberalizimin e vizave

Kryeministri i Kosovës, Ramush Haradinaj, ka konfirmuar se Gjermania e mbështet Kosovën për  liberalizimin e vizave dhe rrugën europiane të vendit.

Këto deklarata Haradinaj i ka bërë pas takimit me ministrin e Jashtëm të Gjermanisë, Heiko Maas.

“Kosova ka përmbushur të gjitha kriteret për të lëvizë lirshëm dhe mbështetja gjermane në këtë fazë është e domosdoshme edhe për procesin e dialogut dhe çështje të tjera të rëndësishme për vendin. Rast i shkëlqyer për të biseduar rreth mundësive të reja të thellimit të miqësisë e bashkëpunimit, politik dhe ekonomik, mes shteteve tona.
Ministrin Maas e falënderova për qëndrimin e qartë dhe mbështetjen e plotë të Gjermanisë për vendin dhe popullin tonë.
Përkrah Gjermanisë dhe partnerëve të saj, Kosova është çdo herë e më e fortë!”, ka shkruar Haradinaj.