Haradinaj: Kosova i ka përmbushur kriteret e BE-së për heqjen vizave

Kryeministri i Kosovës, Ramush Haradinaj, është takuar sot me ambasadoren e Holandës, Gerrie Willems, përcjell albinfo.ch.

Përmes një postimi në Facebook, Haradinaj ka thënë se Kosova i ka përmbushur të gjitha kriteret e BE-së për heqjen e regjimit të vizave. Tutje, ka thënë se Kosova pret mbështetjen e Holandës në këtë proces dhe ka kërkuar takim me ministren holandeze, Kajsa Ollongren.

“Prita sot në takim ambasadoren e Holandes, Gerrie Willems, me të cilen diskutuam për zhvillimet aktuale politike në vend, me fokus hapjen e dialogut bilateral ndërmjet dy shteteve për përmbylljen e procesit të liberalizimit të vizave për qytetarët e Kosovës. Në vazhdën e takimeve me Ministrat e Brendshëm të shteteve anëtare të BE-së, përmes ambasadores Willems përcolla kërkesën time për takim zyrtar me ministren holandeze, Kajsa Ollongren”, ka shkruar Haradinaj.