Haradinaj: Në Kosovë janë krijuar kushte të favorshme biznesore

"Lirimet e shumta nga detyrimet fiskale në importin e repromaterialit, pajisjeve dhe teknologjisë e bëjnë Kosovën ambient shumë të përshtatshëm biznesor”, tha Haradinaj

Kryeministri Ramush Haradinaj në takimin që pati me  Merve Ozer Yilmaz, përgjegjëse për kompaninë “NEWKO Balkan” në Suharekë, si dhe zëvendëskryetare e Bordit të Drejtorëve të Holdingut “Ozerband”, është zotuar se do t’i adresojë problemet e prodhuesve, që të marrin zgjidhje adekuate.

“Pas hyrjes në fuqi të pakos fiskale, në Kosovë janë krijuar kushte shumë të favorshme biznesore. Lirimet e shumta nga detyrimet fiskale në importin e repromaterialit, pajisjeve dhe teknologjisë e bëjnë Kosovën ambient shumë të përshtatshëm biznesor”, tha Haradinaj.

Ndërsa Merve Ozer Yilmaz prezantoi punën dhe disa prej sfidave me të cilat ballafaqohet kompania “NEËKO Balkan”, si dhe vlerësoi pakon e re fiskale e cila ka hyrë në fuqi që nga fillimi i viti 2018.