Haziri: “Nuk gjeti burrni Vetëvendosja me u rreshtu pas një zonje për kryeministre”

Ilustrim

Nënkryetari i parë i LDK’së, Lutfi Haziri, mbrëmë në një emisionin në T7 tha se Vetëvendosje nuk pranuan që Vjosa Osmani të jetë kryeministre e Kosovës.

“Nuk gjetën burrni me u reshtu pas një zonje për kryeministre”, u shpreh Haziri.

Po ashtu ai ka folur edhe për rezultatet e zgjedhjeve të 6 tetorit në Kosovë, duke thënë se në numërimin e votave për kandidatë Vjosa Osmani po prin në krahasim me kandidatët tjerë në LDK.

“Para zgjedhjeve është thënë se cili del më i votuari është i nominuar për kryeministër”,

“Por me kushtetutë dhe ligje mandatari i shkon partisë fituese. Gjithsesi në këto zgjedhje nuk ka qenë fitues asnjë grupim politik pasi që qytetarët zgjodhën ndryshimin dhe për këtë i zgjodhën dy parti. Ndryshimi fitoi në këto zgjedhje por LDK dhe LVV janë fituese të vogla si familje politike”

Ndërkaq sa i përket një bashkëpunimi me VV, Haziri tha se nuk ka mundur të arrihet një marrëveshje mes dy partive para zgjedhjeve pasi që Lëvizja Vetëvendosje nuk pranoi që të futet në lsitë me LDK’në ku Vjosa Osmani do të ishte kandidate për kryeministre.