Ibrahim Berisha kandidon sërish për Këshillin e Përgjithshëm të Friburgut

Politikani me rrënje shqiptare nga Kosova, Ibrahim Berisha ka zyrtarizuar kandidaturën e tij për Këshillin e Përgjithshëm të Qytetit të Friburgut (Conseil général / Generalrat) në zgjedhjet komunale që do të mbahen më 8 mars 2026. Ai kandidon në Listën 1, nën siglën e partisë Le Centre / Die Mitte – Fribourg-Ville.

Berisha synon vazhdimin e angazhimit të tij politik në nivel komunal, duke u fokusuar në çështje që lidhen me arsimin, integrimin social, migracionin dhe përfaqësimin e drejtë të qytetarëve.

Biografi dhe angazhim politik

Ibrahim Berisha ka shënuar histori në vitin 2021, kur u zgjodh deputet në Parlamentin komunal të Friburgut, pas zgjedhjeve të 7 marsit. Ai u bë shqiptari i parë që siguroi një ulëse në këtë institucion, raportoi atëkohë Albinfo.ch.

Angazhimi i tij politik daton që nga viti 1992, ndërsa në vitin 2009 ai u anëtarësua në Partinë Socialiste, të cilën e kishte zgjedhur për shkak të parimeve të barazisë dhe mbrojtjes së të drejtave të të gjithëve, pa dallim origjine, feje apo përkatësie etnike.

Në aspektin profesional, Ibrahim Berisha punon është aktiv në fushën e gastronomisë dhe është i angazhuar gjithashtu në komisionin shkollor për çerdhet dhe shkollat fillore në Friburg.

Zgjedhjet e 8 marsit 2026 do të përcaktojnë përbërjen e re të Këshillit të Përgjithshëm të Qytetit të Friburgut për legjislaturën e ardhshme.

Lexoni po ashtu:

Ibrahim Berisha shënon historinë, zgjedhet deputet në Parlamentin e Friburgut