Ilaçi kancerogjen vazhdon të shitet në barnatoret e Kosovës

Foto Ilustrim

Agjencia Evropiane e Barnave ka dhënë alarmin se ilaçi, i cili trajton problemet me stomak, Ranitidina, përmban një papastërti që klasifikohet si kancerogjene.

Kompania LEK në Kosovë ka vendosur ta tërheqë këtë ilaç nga tregu, raporton KTV.

Kompania përmes një përgjigjeje me shkrim ka bërë të ditur se ky ilaç përmban substanca aktive kancerogjene në Ranitidinë.

“Siguria dhe mirëqenia e pacientëve tanë është prioriteti ynë kryesor, prandaj si masë parandaluese, tashmë kemi propozuar tërheqjen e Ranitalit nga tregu lokal. Ne po bashkëpunojmë me autoritetet lokale dhe ato janë të informuara për situatën specifike”, ka thënë Artan Ibrani, drejtor i kompanisë LEK në Kosovë.

Mirëpo, janë edhe 12 kompani të tjera në treg, të cilat po vazhdojnë ta shesin këtë ilaç.

Pa marrë një vendim Agjencia Evropiane e Barnave, institucionet shëndetësore në Kosovë thonë se nuk mund të veprojnë për ta pezulluar këtë ilaç, përcjell albinfo.ch.