Iniciativë për ndalimin e mbipopullimit në Zvicër

“Stop mbipopullimi” është motoja e iniciativës e cila është lansuar të shtunën nga organizata “Ecopop”, në Cyrih

Iniciativa tashmë është dorëzuar dhe ka nisur mbledhja e nënshkrimeve, kanë bërë të ditur përfaqësues të “Ecopop”.

Benno Büeler, matematikan dhe anëtar i komitetit drejtues, ka thënë të kenë për objektiv që me ketë iniciativë të lejojnë vetëm një mesatare prej 0.2 për qind të rritjes së popullsisë në një periudhë tri vjeçare në Zvicër.

Ata kishin dizajnuara projekte vullnetare për planifikim familjar, që është edhe objektiv i dytë i iniciativës në fjalë.

“Ecopop” me nismën e tyre kanë paraparë edhe kufizimin e emigracionit në Zvicër, që sipas tyre nuk duhet të kuptohet se është drejtuar kundër të huajve. Por rritja e popullsisë aktuale në Zvicër, me një mesatare vjetore prej 1,3 për qind është barrë për vendin, thonë iniciatorët.Ndërsa pohojnë se 80 për qind e kësaj rritjeje vjen nga emigracioni.