Itali: Tre skitarë do të përfaqësojnë Kosovën në EYOF dimëror 2023

Tre skitarë të skijimit alpin do të përfaqësojnë Kosovën në EYOF Friuli Venezia Giulia 2023

Tre skitarë të skijimit alpin do të përfaqësojnë Kosovën në Festivalin Olimpik Evropian Dimëror për të rinj (EYOF), që prej 21-28 janar 2023 mbahet në rajonin Friuli, Venezia dhe Giulia të Italisë, përcjell albinfo.ch.

Skitarët janë: Lirika Deva, Enxhi Sefaj dhe Klos Vokshi, të cilët do të garojnë në disiplinat e sllallomit dhe sllallomit të madh.

Trajnerë të tyre janë Kushtrim Deva dhe Ernest Sefaj, ndërsa shef i misionit për EYOF dimëror 2023 është Jeton Rudari.

Për Kosovën, është kjo pjesëmarrja e katërt në EYOF Dimëror, pas Erzurum 2017, Sarajeva 2019 dhe Vuokatti 2022.

---