Ja përse Zvicra nuk mund ta bëjë vaksinimin e detyrueshëm sikur Austria

“Nuk ka asnjë bazë ligjore për këtë në Zvicër,” thotë Andreas Glaser, profesor i së drejtës kushtetuese, administrative dhe evropiane në Universitetin e Cyrihut

Në Austri, që nga shkurti i vitit të ardhshüem të gjithë duhet të vaksinohen kundër Koronës. Politikanët në Zvicër me sa duket janë kundër një detyre të tillë. Por, edhe pa këtë kundërshtim, së pari duhet të krijohet baza ligjore për këtë, transmeton albinfo.ch

Infeksionet me kononavirus po rriten aktualisht mjaft shhumë edhe në Zvicër. Stafet spitalore paralajmërojnë mbingarkesë të sistemit shëndetësor dhe kërkojnë masa të mëtejshme. Por, ndërkaq, ekspertët e konsiderojnë joreale që vaksinimi i detyrueshëm të futet edhe në Zvicër.

“Nuk ka asnjë bazë ligjore për këtë në Zvicër,” thotë për 20minuten Andreas Glaser, profesor i së drejtës kushtetuese, administrative dhe evropiane në Universitetin e Cyrihut. “Meqenëse në Zvicër zbatohet një ligj referendumi, ndryshimi ligjor për një detyrim të përgjithshëm të vaksinimit nuk do të ishte i lehtë për t’u zbatuar”.

Në Zvicër, vaksinimi i detyrueshëm, i cili u vendos në Austri, nuk has në shumë entuziazëm: politikanët nga e majta në të djathtë shprehen  aktualisht kundër një rregulli të tillë, përcjell albinfo.ch. Deputetja e Gjelbër Katharina Prelicz-Huber thotë: “Njerëzit duhet të jenë në gjendje të vendosin vetë për trupat e tyre”. Ndërsa deputeti tjetër, ai nga SVP, Hannes Germann shprehet: “Kjo nuk mund të pajtohet me të drejtat themelore të njeriut”.

---